510 7900
Sólheimar 25
104 Reykjavík
VERÐ: 57.900.000
VERÐ: 57.900.000
LÝSING
Opið hús: Sólheimar 25, 104 Reykjavík, Íbúð merkt: 01 01 03. Eignin verður sýnd laugardaginn 19. nóvember 2022 milli kl. 12:00 og kl. 12:30.

Opið hús - Sólheimar 25 Reykjavík - mánudaginn 28. nóvember klukkan 16:30 - 17:00

Lind fasteignasala / Heimir Hallgrímsson lögg. fasteignasali kynnir 89,5 fermetra 3ja herbergja íbúð á 1. hæð í lyftuhúsi með rúmgóðum svölum til suðurs og svölum til vesturs við Sólheima 25 í Reykjavík. Íbúðin er björt með opnu alrými sem skiptist í eldhús, stofu og borðstofu. Gólfsíðir gluggar í stofu mynda bjart alrými. Nýlega búið að endurnýjað svalahandrið á öllum svölum hússins. Góð rúmgóð geymsla í kjallara sem er 6,9 fermetrar að stærð.

Um er að ræða virkilega sjarmerandi fjölbýli, byggt árið 1962, sem hefur fengið lof fyrir fallega hönnun. Arkitekt hússins er Guðmundur Kr. Guðmundsson. Öll sameign hússins er til mikillar fyrirmyndar og viðhald á húsinu gott. Drenlagnir voru endurnýjaðar 2018, skólplagnir voru fóðraðar 2017 og múrviðgerðir og málun hefur verið sinnt í gegnum árin. Húsvörður er í húsinu sem býr í húsvarðaríbúð í eigu húsfélagsins. Tvær lyftur eru í húsinu. Stórt sameiginlegt þvottaherbergi er á 12. hæð (efstu) með glæsilegu útsýni í 360 gráður yfir allt höfuðborgarsvæðið, til fjalla og út á sundin. Stórar sameiginlegar svalir eru á þakhæð hússins með glæsilegu útsýni. Nýlegur myndavéladyrasími er í húsinu. Sameiginleg hjóla- og vagnageymsla er staðsett í kjallara. Myndavélaeftirlitskerfi er í sameign hússins.

Um er að ræða afar fallega íbúð á eftirsóttum stað við Sólheima í Reykjavík. Frábær staðsetning í grónu og fjölskylduvænu hverfi miðsvæðis við Laugardalinn. Stutt er í alla verslun og þjónustu, m.a. Glæsibæ, Skeifuna, leikskóla, grunnskóla, sundlaug, heilsurækt, heilsugæslu og bókasafn. Laugardalurinn í göngufjarlægð með allri þeirri útivist sem hann hefur upp á að bjóða.

Fasteignamat 2023 er kr. 53.250.000,-

Nánari lýsing:

Forstofa/gangur: Með parketi á gólfi og fatahengi. Hægt að koma fyrir innbyggðum skáp í rými.
Svefnherbergi I: Með dúk á gólfi og glugga til vesturs.
Stofa: Er rúmgóð og björt með parketi á gólfi. Gólfsíðir gluggar til suðurs inn í bakgarð  hússins. Stofa rúmar vel setustofu og borðstofu. Útgengi á svalir.
Svalir I: Eru rúmgóðar með nýju fallegu svalahandriði með gleri.
Eldhús: Með parketi á gólfi og viðar eldhúsinnréttingu. Stál Smeg bakaraofn, helluborð og innbyggður Smeg kæliskápur með frysti. Gluggi til vesturs inn í bakgarð.
Svefngangur: Með parketi á gólfi og skápum.
Baðherbergi: Var endurnýjað fyrir u.þ.b. 2 árum síðan. Með flísum á gólfi og hluta veggja. Flísalögð sturta með sturtubotni og glerhurð. Innrétting við vask, salerni og gluggi til vesturs.
Svefnherbergi II: Með dúk á gólfi, skápum, gluggi til vesturs og útgengi á svalir.
Svalir II: Snúa til vesturs inn í bakgarð hússins.

Geymsla: Er staðsett í kjallara og er rúmgóð eða 6,9 fermetrar að stærð.
Hjóla- og vagnageymsla: Er sameiginleg og er staðsett í kjallara. Snyrtileg með epoxy gólfi og gluggum til suðurs og austurs. Útgengi á lóð.
Þvottaherbergi og þurrkherbergi: Er rúmgott og sameiginlegt á 12. hæð hússins (efstu) með epoxy á gólfi. Þrjár þvottavélar, þurrkari, strauvél og vinnuborð. Bjart rými með glæsilegu útsýni.
Sameiginlegar svalir: Eru staðsettar á þaki hússins. Glæsilegt 360 gráðu útsýni yfir höfuðborgarsvæðið, út á sundin og til fjalla.
Húsvarðaríbúð: Er staðsett í húsinu sem er í eigu húsfélagsins.
Húsvarðarrými: Er staðsett í kjallara sem er notað sem fundarherbergi eða vinnusvæði fyrir húsvörð.

Allar nánari upplýsingar veitir Heimir Hallgrímsson lögg. fasteignasali og lögmaður í síma 849-0672 eða á netfanginu [email protected]

Sjá viðhengi til að opna hér fyrir neðan:
HAFA SAMBAND
Skilaboð hafa verið send.
Sjá söluyfirlit

Skilaboð hafa verið send.

Senda á vin
Skilaboð hafa verið send.